Biilasha waxaad ku bixin kartaa qaabab badan oo kala duduwan, tusaale internetka oo aad kaga bixisid aqoonsigg ashabakada bangiggaga, foomka ku wareejinta biilka ama kaash ahaan.

SIDEEN U SOO FURAN KARAA AKOUNT BANGI?

Waxaad heli kartaa koonto bangi oo keliya haddii aad haysato Baasaboor, kaarka aqoonsiga ajnabiga ama kaar kale oo aqoonsi rasmi ah. Bangigu wuxuu leeyahay xeerar u gaar ah nooca aqoonsiga uu aqbalaayo. haddii bangigu uusan aqbalin aqoonsiga aad wadadid, ma heli doontid inaad hesho koonto bangi. Markaas waxaad ku bixineysaa biilasha lacag cadaan ah (ama cash ahaan).
Finland iy Hämeenlinna ba waxaa ku yaala bangiyo dhowr ah, oo aad akount ka furan kartid.

SIDEED U SOO QAADAN KARTAA AQOONSIGA SHABAKADA BANGIGGA LAGU GALO (VERKKOPANKKITUNNUS)?

Shabakada bangigu Finland waa qaabka ugu jaban ee aad biil kaga bixin kartid akountkaaga.

Waxaad ka heli karkaa aqoonsiga lagu galo shabaka bangiga iyadoo uu bangigu u cadeyn karo si aamin ah shakhiga aad tahay oo kaliya. Sababtaas awgeed ayaad ugu khasban tahay inaad sugto muddo dheer verkkopankkitunnus ka, laga yaabee ilaa sanad inaad sugto. Adigu waxba kama sameyn kartid arrintaa, si aad ugu hesho aqoonsigaa si dhakhso ah.

SIDEED U HOWLGALEYSAA, HADDII AANAD HEYSANIN WAXAAD BIILKA KU BIXISID?

Haddii aanad heysanin lacag aad ku bixisid biilasha, wac shirkada biilka iska leh adeegeeda macaamiisha. Kana codso inaad biilka hadow bixin kartid, markaad lacag heshid. Kula heshii shirkadda maalinta aad bixin kareysid biilka.
Haddii aanad arrintaa kala heshiinin shirkadaa, biilku wuxuu u wareegayaa xafiiska kala soo noqoshada lacagaha. Xafiiska kala soo noqoshaduna wuxuu ku saarayaa lacag adeegooda ah. Waxayna noqon kartaa tobonaan euro.

Lähde: Takuusäätiö