Waxaan xasuusineynaa in waalidiintu ay mar walba mas’uul ka yihiin badbaadada carruurta xeebta ama meelaha biyaha u dhow. Mas’uuliyaddaasi ma wareegto, xitaa haddii xeebta uu joogo ilaaliye dabaasha.
Carruurta waa in si dhow loola socdaa mar walba. Waxaan ku dhiirrigelineynaa in laga fogaado wax kasta oo dareenka ka mashquulin kara ilaalinta carruurta, sida taleefanka gacanta ama akhriska buuga. Carruurta yar yar looma dayn karo daryeelkooda carruurta kale ee ka weyn. Xitaa ilbiriqsiyo aan la ilaalin meel biyo ah agteeda waxay noqon kartaa khatar.
Xasuuso tilmaamahan muhiimka ah
- La soco carruurta mar walba: Tusaale ahaan, waxaad la heshiin kartaa dadka waaweyn ee kooxdiinna ah cidda markaas ilaalinaysa carruurta.
- U dhowow carruurta – si gaar ah gacanta u jir
- Biyaha dhexdiisa u istaag si carruurtu ay uga ciyaaraan adiga iyo xeebta dhexdooda.
- La samee carruurta xeerar cad-cad:
- Carruurtu waa inay mar walba sheegaan meesha ay aadayaan.
- Ma jiraan wax loo oggol yahay in la aado xeebta iyadoo aan qof weyn la socon.
- Biyaha lama geli karo kaligood.
- Adigu tusaale fiican u noqo – carruurtu waxay ka baranayaan dadka waaweyn!
Marka la fuulayo doon, carruurta waa in mar walba xirtaan jaakadaha badbaadada. Xeebta, carruurta yar yar waxaa la saari karaa jaakadaha sabbaynaya, laakiin qalab kasta ma beddeli karo indhaha qof weyn.
Mas’uuliyadda waalidiinta kuma eko oo keliya dhinaca akhlaaqda, balse sidoo kale waa waajibka uu sharcigu dhigayo. Qof walba waa inuu si taxaddar leh u dhaqmaa si shilal looga fogaado. Haddii ilmaha aan la ilaalin, waxay noqon kartaa xadgudub uu ciqaab ka dhalan karo marka loo eego sharciga Finland.
